Kayalarikathu Valayerenjappol Lyrics | Lyrics Malayalam

Kayalarikathu Malayalam Song Lyrics,Kayalarikathu Lyrics in malayalam

കായലരികത്തു വലയെറിഞ്ഞപ്പോൾ
വള കിലുക്കിയ സുന്ദരീ..
പെണ്ണുകെട്ടിനു കുറിയെടുക്കുമ്പോൾ
ഒരു നറുക്കിനു ചേർക്കണേ..
(2)

കണ്ണിനാലെന്റെ കരളിനുരുളിയിലെണ്ണ കാച്ചിയ നൊമ്പരം..
കൽബിലറിഞ്ഞപ്പോൾ ഇന്നു ഞമ്മളു
കയറു പൊട്ടിയ പമ്പരം..

ചേറിൽ നിന്നു ബളർന്നു പൊന്തിയ
ഹൂറി നിന്നുടെ കയ്യിനാൽ
നെയ്‌ ചൊറു വെച്ചതു തിന്നുവാൻ
കൊതിയേറെ യുണ്ടെൻ നെഞ്ചിലാ..യ്‌

വമ്പെഴും നിന്റെ പുരിക കൊടിയുടെ
അമ്പുകൊണ്ടു ഞരമ്പുകൾ..
കമ്പൊടിഞ്ഞൊരു ശീല കുടയുടെ
കമ്പിപോലെ വലിഞ്ഞു പോ..യ്‌

കുടവുമായ്‌ പുഴ കടവിൽ വന്നെന്നെ
തടവിലാക്കിയ പൈങ്കിളി..
ഒടുവിലീയെന്നെ സങ്കടപ്പുഴ
നടുവിലാക്കരുതിക്കളീ..

വേറെയാണു വിചാരമെങ്കിലു
നേരമായതു ചൊല്ലുവാൻ
വെറുതെ ഞാനെന്തിനെരിയും വെയിലത്തു
കയിലും കുത്തി നടക്കണ്‌..
(2)

കായലരികത്തു വലയെറിഞ്ഞപ്പോൾ
വള കിലുക്കിയ സുന്ദരീ..
പെണ്ണുകെട്ടിനു കുറിയെടുക്കുമ്പോൾ
ഒരു നറുക്കിനു ചേർക്കണേ..